மன்னார்குடி இந்தியன் ரெட் கிராஸ் சொசைட்டியின் மன்னார்குடி வட்டார கிளை தொடக்க விழா 29/12/20 மாலை வருவாய் கோட்டாட்சியர் அலுவலக வளாகத்தில் நடைபெற்றது.
தொடக்க விழாவை முன்னிட்டு பொதுக்குழு கூட்டமும் மற்றும் புதிய நிர்வாகிகள் தேர்வும் நடைபெற்றது. வருவாய் கோட்டாட்சியரின் நேர்முக உதவியாளர் தலைமை வகித்தார்.
திருவாரூர் மாவட்ட ரெட் கிராஸ் செயலாளர் வரதராஜன் இந்தியன் ரெட் கிராஸின் வரலாறு மற்றும் பணிகள் கிளை அமைப்பின் நோக்கம் செயல்பாடுகள் குறித்து பேசினார் பொதுக்குழுவில் நிறைவேற்றபட்ட தீர்மானங்களை கண்ணன் வாசித்தார் மன்னார்குடி வட்டார புதிய கிளை தலைவராக டாக்டர் ஆர். சீனிவாச ராகவன் துணை தலைவர்களாக வானிலை என்.செல்வகுமார், ஆசிரியர் என். இராஜப்பா, ஆர். கைலாசம் ஆகியோரும் செயலராக எஸ்.கோபாலகிருஷ்ணன் இணை செயலாளர்களாக ஆர்.வி. ஆனந்த், எஸ். கண்ணன், பொருளாளராக பிரபாகரன் மற்றும் நிர்வாக குழு உறுப்பினர்கள் ஏகமனதாக தேர்வு செய்யபட்டனர்.
கனமழையால் பாதிக்கப்பட்ட 25 குடும்பத்தினருக்கு நிவாரண பொருட்கள் வழங்கப்பட்டன. இந்தியன் ரெட் கிராஸ் சொசைட்டி யின் மாநில பொருளாளராக தேர்வான வரதராஜனுக்கு பாராட்டு தெரிவிக்கப்பட்டது. திருவாரூர் செந்தில்குமார் புதிய நிர்வாகிகளை வாழ்த்திப் பேசினார். நிர்வாகக் குழு உறுப்பினர் சிரில் நன்றி கூறினார்.
—
செய்தி உதவி:
ஆசிரியர் என். இராஜப்பா,
மன்னார்குடி.
