உலக புகழ்பெற்ற சைவ திருத்தலமான சிதம்பரம் ஆடலரசன் திருக்கோயில் மார்கழி தேரோட்டம் இன்று 19-12-2021 ஞாயிற்றுக்கிழமை காலை தொடங்கி கோலாகலமாக நடைப்பெற்றது.
இத்தேரோட்டத்தில் தெய்வத்தமிழ்ப் பேரவை சார்பில் திருவாசகம் முற்றோதல் நடைப்பெற்றது. தெய்வத்தமிழ்ப் பேரவை ஓதுவார் திரு.சிவகருணாநிதி அவர்கள் தலைமை தாங்கினார். தேரின் முன்பாக அடியார்கள், அன்பர்கள் மெய்யுருகி திருவாசகம் பாடினார்கள். முற்றோதலில் பல அடியார்களும் பொது மக்களும் தன்னார்வமாக பங்கேற்று திருவாசகம் பாடினார்கள்.
இதில் தெய்வத் தமிழ்ப் பேரவை ஓதுவார்கள் பூங்குடி திரு.சந்திரசேகர், திரு.சிவ.நாகராஜன், வல்லம்படுகை திரு.வைத்தியநாதன், திரு.கோதண்டபாணி, திரு.குணசேகரன், திரு.உதயகுமார், சிவனடியார்கள் கல்யாணி அம்மா, மலர்கொடி அம்மா, பெண்ணாடம் மீனா அம்மா, சிவ நெறி சான்றோர்கள் உள்ளிட்ட பலர் பங்கேற்றனர்.
இந்நிகழ்வை தெய்வத்தமிழ்ப் பேரவை செயற்குழு உறுப்பினர் வே.சுப்ரமணியசிவா ஒருங்கிணைத்தார். தேரோட்டத்தில் திருவாசக முற்றோதல் பொதுமக்களிடம் மிகுந்த வரவேற்பை பெற்று மிகச் சிறப்பாக நிறைவடைந்தது. முற்றோதலில் பங்கேற்ற அடியார்கள், அன்பர்கள் அனைவருக்கும் உணவு பரிமாறப்பட்டது.
—
செய்தி உதவி:
திரு. சுப்பிரமணிய சிவா வேலுசாமி,
சிதம்பரம்.
