ஆடு மாடு மேய்த்தல் அரசுக்கு அவமானமா? வெகுமானமா?

நாம் தமிழர் கட்சியின் தலைமை ஒருங்கிணைப்பாளர் சீமான் அவர்கள் தான் ஆட்சிக்கு வந்தால் ஆடு, மாடு வளர்த்தலை  அரசு வேலையாக்குவேன், அதன் மூலம் தமிழகத்தில் வருமானத்தை பெருக்குவேன் என்று தனது தேர்தல் வாக்குறுதியில் கொடுத்திருக்கிறார். அதை பலமுறை பொது மேடைகளில் வலியுறுத்தி பேசியும் வருகிறார்.

உண்மையிலேயே இந்த ஆடு மாடு வளர்த்தல்  மூலம்  அரசாங்கத்தின் வருமானத்தை பெருக்க முடியுமா? ஏராளமானோருக்கு வேலை வாய்ப்புகளை வழங்க முடியுமா?

இதில் உள்ள சாத்திய கூறுகளை பற்றி இந்த கட்டுரையில் பார்ப்போம்.

ஆடு ,மாடு மேய்க்கும் பணியை அரசு வேலையாக்குவது என்பது பிற்போக்குத்தனம் என்று கூறுபவர்கள் அனைவரும் ,

 கூட்டுறவு பால் சங்கத்தில்  உள்ள அரசு வேலையிலிருந்து பதவி விலகலாம்.தூய்மைப் பணியாளர்கள் வேலை, சாக்கடை சுத்தம் செய்யும் வேலை,அரசு கழிவறை களை சுத்தம் செய்யும் பணி ,சாலைப் பணி ,100 நாள் பணி என அனைத்து அரசு வேலைகளையும் புறக்கணிக்க வேண்டும்.

முதலில் ஆடு ,மாடு மேய்த்தல் என்றால்  ஒரு குச்சியை எடுத்துக்கிட்டு மாடு பின்னாடி போகும் பணி என்றும் நினைக்கும் அறியாமையை விட்டு தள்ள வேண்டும். ஏராளமானோருக்கு வேலைவாய்ப்புகளையும் , அரசாங்கத்திற்கு  மிகப்பெரிய அளவில் வருமானத்தையும் கொடுக்கக்கூடிய ஒரு துறை இது. அதைப் பற்றி சற்று விரிவாக  இந்த கட்டுரையில்  பார்ப்போம்.

1.நவீன பால் பண்ணையின் உட்கட்டமைப்புகள்:

• கண்காணிப்பு மற்றும் பாதுகாப்பு:

பண்ணை முழுவதும் உள்ள மாடுகளைக் கண்காணிக்க சிசிடிவி (CCTV) கேமராக்கள் மற்றும் அவற்றை ஒரு மையக் கட்டுப்பாட்டு அறையில் இருந்து கண்காணிக்க பல திரைகள் கொண்ட அமைப்பு. இந்த முழு அமைப்பையும் ஒரு மென்பொருள் பாதுகாப்பு அமைப்புடன் (Software Security System) இணைத்தல்.

• போக்குவரத்து மற்றும் மேலாண்மை:

மாடுகளை சரியான திசைகளில் வழிநடத்த வாகனங்கள் மற்றும் ஓட்டுநர்கள் தேவைப்படுகின்றனர். வளர்ந்த நாடுகளில் ஹெலிகாப்டர்கள் கூட இந்தப் பணிக்குப் பயன்படுத்தப்படுகின்றன.

• தானியங்கி இயந்திரங்கள்:

பால் கறப்பதற்கு நவீன இயந்திரங்கள் பயன்படுத்தப்படுகின்றன. அந்த இயந்திரங்களில் ஏற்படும் பழுதுகளைச் சரிசெய்ய திறமையான தொழில்நுட்பப் பணியாளர்கள் (Skilled Labour) தேவை.

• தரக் கட்டுப்பாடு (Quality Control):

பாலின் தரத்தைச் சோதித்து உறுதி செய்ய ஒரு பிரத்யேக தரக் கட்டுப்பாட்டுத் துறை அவசியமாகிறது.

• கழிவு மேலாண்மை:

மாட்டுச் சாணம் போன்ற கழிவுகளை அகற்றுவதற்கு மேம்பட்ட தொழில்நுட்பங்கள் தேவைப்படுகின்றன. உதாரணமாக, காற்றிசை மூலம் குப்பைகளை அகற்றும் (Pneumatic Garbage Removal System) தொழில்நுட்பம் மற்றும் சாணத்திலிருந்து எரிவாயு தயாரிக்கும் திட்டங்கள் ஆகியவை இதில் அடங்கும். வளர்ந்த நாடுகள் தற்போது மீத்தேன் மின்சாரம் போன்றவற்றை பெறுவதற்கு இந்த சாண எரிவாயு உலைகளை பரவலாக பயன்படுத்த ஆரம்பித்து விட்டனர். இதற்கு மூலப்பொருளே உணவுக் கழிவுகள்,குப்பை,மாட்டு சாணம் போன்றவை. ஒருங்கிணைந்த பண்ணைகளோடு இதுபோன்ற உயிர் வாயு கலன் களும் (bio gas plant) நாம் நிறுவ முடியும் அதன் மூலம் நமக்கு தேவையான சமையல் எரிவாயுகள் மற்றும் மின்சாரமும் எடுக்க முடியும், இதுவும் படித்த பட்டதாரிகள் எண்ணற்றோர்க்கு வேலை வாய்ப்புகளை வழங்கும் ஒரு அரிய வாய்ப்பு.

2. பன்முக வேலைவாய்ப்புகள் மற்றும் தொழில் வல்லுநர்களின் தேவை

நவீன பால் பண்ணைத் துறை என்பது படிக்காதவர்களுக்கானது என்ற கருத்தை உடைத்து, பல்வேறு கல்வித் தகுதிகளைக் கொண்ட படித்த நிபுணர்களுக்கு ஒரு பரந்த அளவிலான வேலைவாய்ப்புகளை உருவாக்கும் ஆற்றலைக் கொண்டுள்ளது என்பதை மூலம் தெளிவாகிறது.

தேவைப்படும் பதவிகள் மற்றும் நிபுணர்கள்

பொறியியல் மற்றும் தொழில்நுட்பம்,

கணினிப் பொறியாளர்கள், மின்னணுப் பொறியாளர்கள், இயந்திரப் பொறியாளர்கள், சிசிடிவி தொழில்நுட்ப வல்லுநர்கள், இயந்திரங்களைப் பழுதுபார்க்கும் நிபுணர்கள்.

மேலாண்மை மற்றும் நிர்வாகம்

மேலாளர் (Manager), மேற்பார்வையாளர் (Supervisor), கணக்குத் துறை (Accounts) ஊழியர்கள்.

தளவாடங்கள் மற்றும் விநியோகம்

ஓட்டுநர்கள், ஏற்றுமதி-இறக்குமதி பிரிவு ஊழியர்கள், மூலப்பொருட்கள் கொள்முதல் பிரிவு, பொருட்கள் கிடங்கு பொறுப்பாளர்கள் (Inventory Store Keeper).

தர உத்தரவாதம்,

நுண்ணுயிரியல் (Microbiology).

 படித்தவர்களைக் கொண்ட தரக் கட்டுப்பாட்டுப் பிரிவு,

கால்நடை மருத்துவம்

கால்நடை சுகாதார ஆய்வாளர்கள் (Livestock Health Inspector).

பிற பணிகள்

கணினியில் தரவுகளைப் பதிவேற்றம் செய்யும் சிஸ்டம் ஆபரேட்டர்கள் (System Operators), பேக்கிங் (Packing), ஸ்டிக்கரிங் (Stickering) மற்றும் இதர கூலித் தொழிலாளர்கள்.

3. பொருளாதார ஆற்றல் மற்றும் தற்சார்புப் பார்வை

•இந்திய சந்தை மதிப்பு: இந்தியாவில் பாலின் சந்தை மதிப்பு மட்டும் 10 லட்சம் கோடிகளுக்கும் மேல்.

இவ்வளவு பெரிய பொருளாதார ஆற்றலைக் கொண்ட ஒரு துறையை மேம்படுத்துவதன் மூலம் வலுவான தற்சார்புப் பொருளாதாரத்தை நம்மால் உருவாக்க முடியும்  .இதற்கு மாறாக,  சாராய விற்பனையை மட்டுமே  நம்பி ஒரு மாநிலத்தின் பொருளாதாரம் இயங்குவது தவறான வழிமுறை. அது மக்களுக்கும்  பெரும் பாதிப்பையும் ஏற்படுத்துகிறது. அதே நேரத்தில் தமிழ்நாட்டின் கடன் 10 லட்சம் கோடியையும் தாண்டி விட்டது. இது அரசின் மோசமான நிதி மேலாண்மையை காட்டுகிறது.

4. சமூகப் பார்வை மற்றும் போலி முற்போக்குவாதம்

இத்துறையை அரசுப் பணியாக மாற்றுவதை “பிற்போக்குத்தனம்” என்று விமர்சிப்பவர்களின்,

•இரட்டை நிலைப்பாடு:

 வெளிநாடுகளுக்குச் சென்று வீட்டு பராமரிப்பு (House Keeping) அல்லது தோட்டக்கலை (Horticulture) போன்ற பணிகளைச் செய்வதை முற்போக்கு என்று கருதும் சமூகம், அதே போன்ற பணிகளை உள்நாட்டில் செய்வதை இழிவாகக் கருதும் போக்கை இது கேள்விக்குள்ளாக்குகிறது. சிங்கப்பூரில் எம்.டெக் (M.Tech) படித்தவர்கள் கூட இத்தகைய துறைகளில் வேலை செய்கிறார்கள்.

கால்நடை வளர்ப்பின் நவீன தொழில்நுட்பங்கள் மற்றும் அதன் பன்முக வேலைவாய்ப்புகள் பற்றி எந்த அறிவும் இல்லாமல், அதை ஏளனம் செய்வது அறிவின்மையாகும்.

5. கல்வித் தகுதிக்கேற்ற அரசுப் பணிகள்:

பல்வேறு பட்டப்படிப்புகளை முடித்தவர்களுக்குப் பால் பண்ணைத் துறையில் என்னென்ன அரசு வேலைகள் சாத்தியம் என்பதை  ஒரு விரிவான பட்டியலாக முன்வைக்கலாம்.(ஒரு புரிதலுக்காக)

பொறியியல் (Engineering)

தொழில்நுட்பக் குழு (Technical Team)

வேளாண்மை (Agriculture)

தீவன வளர்ப்பு ஆலோசகர்

நுண்ணுயிரியல் (Microbiology)

தரப் பிரிவு (Quality Unit)

கணினி அறிவியல் (Computer Science)

சிஸ்டம் ஆபரேட்டர் (System Operator)

வணிகவியல் (Commerce)

கணக்குப் பிரிவு (Accounts)

கால்நடை மருத்துவம் (Veterinary Science)

கால்நடை சுகாதார ஆய்வாளர் (Health Inspector)

எம்.பி.ஏ (MBA)

சந்தைப்படுத்தல் பிரிவு (Marketing Section)

படிக்காதவர்கள் மாடு மேய்த்தல் மற்றும் பால் கறத்தல் போன்ற பணிகளைச் செய்ய, படித்த பட்டதாரிகள் தங்களது துறை சார்ந்த உயர் பதவிகளில் அரசு ஊழியர்களாகப் பணியாற்ற முடியும் என்பதே இதன் மையச் செய்தியாகும்.

முடிவாக, கால்நடை வளர்ப்பு மற்றும் பால் பண்ணைத் தொழிலை அரசுப் பணியாக அங்கீகரிப்பது என்பது ஒரு பிற்போக்குத்தனமான செயல் அல்ல; மாறாக, அது ஒரு தொலைநோக்குடைய, முற்போக்கான பொருளாதாரத் திட்டமாகும். இத்துறை, தொழில்நுட்பம், மேலாண்மை மற்றும் அறிவியல் ஆகியவற்றை ஒருங்கிணைத்து, லட்சக்கணக்கான படித்த இளைஞர்களுக்குத் திறன் சார்ந்த வேலைவாய்ப்புகளை உருவாக்கும் ஆற்றலைக் கொண்டுள்ளது. இதன் மூலம், மாநிலத்தின் பொருளாதாரத்தை வலுப்படுத்தி, தற்சார்பு நிலையை அடைய முடியும்.

-மன்னை செந்தில் பக்கிரிசாமி