திறவுகோல் முதல் மற்றும் ஆடி மாத மின்னிதழ் வெளியீடு

திறவுகோல் 2048 ஆடி மின்னிதழை இங்கு சொடுக்கி தரவிறக்கம் செய்யவும்.

இடம்: PRM பூங்கா, தெப்பக்குளம் தென்கரை, மன்னார்குடி
நாள்: ஆணி 32, 2048 (16 யூலை, 2017)
நேரம்: மாலை 5 மணி

திறவுகோல் மின்னிதழை வெளியிடுவதில், மன்னையின் மைந்தர்கள் குழு மகிழ்ச்சியாக உள்ளோம். ஒவ்வொரு முறையும் புதியவற்றை முயற்சிப்பதில் தயங்கியது இல்லை. அதுவும் 2015ல் துவங்கிய எங்கள் பயணம் இன்று வரை பல செயல்களில் ஈடுபட்டுள்ளது.

ஆனால் இம்முறை இன்றைய மக்கள் அதிகம் கவனம் செலுத்தும் ஊடக துறையில் செயல்பட திட்டமிட்டு திறவுகோல் மின்னிதழை வெளியிடுகிறோம். இதற்கென பிரபல படைப்பாளர்களை நாங்கள் எதிர்பார்க்கவில்லை. படைப்பாளர்களாக வேண்டும் என்ற எண்ணத்தில் உள்ளவர்களிடம் இருந்து படைப்புகளை பெற்று உள்ளோம்.

மாறாக எங்கள் குழுவில் உள்ளவர்களின் படைப்புகள், மற்றும் மன்னார்குடியில் உள்ள பள்ளி, கல்லூரி மாணாக்கர்களின் படைப்புகள் மற்றும் குழு உறுப்பினர்களின் சகோதரிகள், பிள்ளைகளிடம் இருந்தும் படைப்புகள் பெற்றோம்.

எங்களின் வட்டம் சிறியது ஆனால் இதில் இருந்தே இவ்வளவு படைப்புகள் பெற முடிகிறது என்றால், மன்னார்குடி முழுவதும் நாங்கள் படைப்புகள் பெற்றால் எண்ணிலடங்கா படைப்புகள் பெற முடியும் என்று உணர்ந்து இனி வரும் காலங்களில் தொடர்ந்து மின்னிதழ் வரும் என்பதையும் மகிழ்வுடன் தெரிவித்து கொள்கிறோம்.

திறவுகோல் போன்று ஒவ்வொரு கிராமத்திலும், ஊரிலும் இது போன்று தொடங்க வேண்டும் என்பதே எங்கள் எண்ணம். காரணம் எங்களை போன்று தமிழகம் முழுவதும் பலர் உள்ளார்கள்.

உள்ளூர் படைப்பாளர்கள் அனைவரையும் அன்புடன் அழைக்கிறோம். தங்களின் படைப்புகளை எங்கள் மின்னிதழில் இடம் பெற செய்ய நீங்கள் பின்வரும் மின்னஞ்சல் முகவரியில் தொடர்பு கொள்ளுங்கள். thiravukolsubmit@gmail.com

அதே நேரத்தில் படைப்புகளின் மீதான விமர்சனங்கள் மற்றும் கருத்துக்கள் இருப்பின், மறவாமல் எங்களுக்கு அனுப்பி உதவுங்கள். அது எங்களுக்கு அடுத்தடுத்து வரும் இதழ்களில் சிறப்பாக செயல்பட உதவும். thiravukolfdbk@gmail.com

திறவுகோல் அணியின் தொடர்பு இலக்கம்:
+91 8220567322

இணைய முகவரி: http://maintharkal.mannai.in/

முகநூல்
https://www.facebook.com/Mannaiyinmaintharkal/

கீச்சு (@maintharkal): https://twitter.com/maintharkal?s=08

Android App
https://play.google.com/store/apps/details?id=in.mannai.maintharkal.mm

———-
தொடர்புக்கு:
ராம் – +91 78718 92677 | ஊடக தொடர்பாளர் – திறவுகோல் மின்னிதழ்