உலக தமிழர்களின் உணர்வெழுச்சி பார்வை மேதகு வெளியீட்டில் குவிந்துள்ளது.
சூன் 25, 2021 (வெள்ளிக்கிழமை) பிற்பகல் 12.35 மணிக்கு BS VALUE OTT தளத்தில் மேதகு வெளியாகிறது.
இந்த வரலாற்று காவியத்தினை தஞ்சை குகன் குமார் டென்மார்க்கில் பணிபுரியும் சோமேஷ் குமார், இன்னும் பலரின் பெரும் முயற்சியில், தி.கிட்டு அவர்கள் இயக்கத்தில் சிவகங்கை குட்டிமணி நடிப்பில் நாளை உலகெங்கும் வெளியாகிறது.
பலவேறு தடைகளுக்கு பிறகு போராட்டங்களுக்கு மத்தியில் தமிழ்த்தேசிய தலைவர் மேதகு வே.பிரபாகரனின் இளமை காலங்களை குறிப்பாக அவர் ஏன் புலியாக மாறினார் என்ற வரலாற்றை மேதகு பேசுகிறது.
உலக அரசியல் தமிழரிடத்தில் சில உளவியல் ஊனத்தை விதைத்துள்ளது. ஆயுத போராட்டம் பேசப்பட்டது போல அதற்கு முன்பான அவர்களின் அகிம்சை போராட்டம் பேசப்படவில்லை. அகிம்சை போராட்டம் பேசப்பட்டது போல புலிகளின் ஒழுக்கம், அறம், ஈகம், சர்வதேச அரசியல் பார்வை, மக்கள் பாதுகாப்பு களம் பேசப்படவில்லை. புலிகள் பேசப்பட்டதை போல மாவீரர்கள் பேசப்படவில்லை.
மாவீரர்கள் பேசப்பட்டது போல அவர்களை உருவாக்கிய தளபதிகள் பேசப்படவில்லை. தளபதிகள் பேசப்பட்டது போல தமிழ்த்தேசிய தலைவர் மேதகு வே.பிரபாகரன் பேசப்படவில்லை. பிரபாகரன் பேசப்பட்டது போல அவரின் நுண்ணறிவு, பொருளாதார சிந்தனை, ஆளுமை திறன், அறவழி சிந்தனை, பெண்களை வணங்கும் பக்குவம் இப்படி எதுவுமே பேசப்படவில்லை.
ஒவ்வொரு தமிழர் மனதிலும் பாடமாக இருக்க வேண்டிய பிரபாகரன் அவர்களை குதூகலப்படுத்தும் சாகச கதாநாயகனாக கட்டமைக்கப்பட்டுள்ளார். மேலும் எதிரிகளும் துரோகிகளும் தொடர்ந்து மேதகுவின் ஆயுத போராட்டத்தை உள்ளூர் தொடங்கி உலக அரங்கு வரை தவறாகவே சித்தரித்து வருகின்றனர். அனைத்திற்குமான பதிலாக மேதகு வெளியே வருகிறார்.
The Family Man மற்றும் தற்போது வெளிவந்த ஜெகமே தந்திரம் போன்ற படங்கள் போராளிகளை கொச்சைப்படுத்தி உள்ளன என்று விமர்சனம் மோலோங்குகிற இச்சூழலில் அனைத்திற்குமான பதிலாக மேதகு வருகிறார்.
அனைத்திற்கும் மேலாக அன்றைய காலக்கட்டத்தில் சிங்கள பேரினவாதம் எப்படி தமிழர்களை ஒடுக்கியது அகிம்சை போராட்டத்தை எப்படி சிதைத்தது எதற்காக தமிழ்த்தேசிய தலைவர் மேதகு வே.பிரபாகரன் ஆயுதப்போராட்டத்தை தேர்ந்தெடுத்தார் என்று அனைத்திற்குமான எளிய பதிலாக பல்வேறு ஒடுக்குமுறை மற்றும் அதிகார அராஜகத்தை கடந்து BS Value என்கிற OTT தளத்தில் 25/06/2021 வெள்ளிக்கிழமை பிற்பகல் 12.35 மணிக்கு வெளியாகிறது.
அதுபோல “மேதகு” திரைப்படத்தை காண்பதற்கு, BS Value OTT தளத்தில் சந்தா செலுத்தி உறுப்பினராக வேண்டிய அவசியம் இல்லை! படத்தை பார்வையிட இந்திய நாணயத்தில் 70 ரூபாயும் மற்ற நாடுகள் எனில் $5ம் ஒருமுறை கட்டணமாக (Pay per view) மட்டுமே செலுத்தினால் போதுமானது.
நீங்கள் இணையத்தில் மேதகு பார்ப்பதற்கு ஏதுவாக இணைய முகவரி தளங்களையும் கொடுத்துள்ளோம்.
இவற்றில் தரவிறக்கம் செய்தும் பார்த்துக்கொள்ளலாம்.
Install BSvalue application here👇🏽
android
https://play.google.com/store/apps/details?id=com.gridsandguides.blacksheepvalue
iOS
https://apps.apple.com/us/app/bs-value/id1537233387
Or
Url
https://bsvalue.com/auth?fromActivate=false
“www.bsvalue.com” என்கின்ற இணையத்தளம் வாயிலாகவும் மேதகு திரைப்படத்தை பார்க்கலாம்.
—
கட்டுரை உதவி:
இராசசேகரன்,
மன்னார்குடி.
