தமிழ் திரைப்பட பாடல்கள் வரலாற்றில் முக்கியமான பாடலாசிரியர்களில் ஒருவரான பிறைசூடன் அவர்கள் (08/10/2021) அன்று காலமானார் என்ற செய்தி பெரும் அதிர்ச்சியையும் துயரத்தையும் ஏற்படுத்துகிறது.
தமிழ்த் திரைப்பட உலகின் சகாப்தங்களான எம்.எஸ்.வி. இளையராஜா, ரகுமான் ஆகிய மூவரின் இசையிலும் பாடல்களை எழுதிய பிறைசூடன் அவர்கள், ஆயிரத்துக்கும் மேற்பட்ட பாடல்களையும் எழுதியுள்ளார்.
தமிழ் மொழிப் புலமையும் திரையிசைப் பாடல் வரிகளின் நுட்பங்களை விளக்கும் திறமையும் பெற்ற பிறைசூடன்
அவர்கள், கவிஞராகவும் தமிழ் மொழி அறிஞராகவும் பல முக்கியமான பங்களிப்புகளை தமிழ்ச் சமூகத்துக்கு வழங்கியுள்ளார்.
இப்படி பல்வேறு சிறப்புக்குரிய பிறைசூடன் அவர்கள், காலமானார் என்ற செய்தி பெரும் அதிர்ச்சியையும், துயரத்தையும் ஏற்படுத்துகிறது. அவரை இழந்து வாடும் குடும்பத்தினருக்கும், உறவினர்களுக்கும், திரையுலகினர்களுக்கும் தமிழக வாழ்வுரிமைக் சார்பில் ஆழ்ந்த இரங்கலைத் தெரிவித்துக் கொள்கிறேன்.
—-
திரு. தி. வேல்முருகன்,
பண்ருட்டி சட்டமன்ற தொகுதி உறுப்பினர்,
தமிழக வாழ்வுரிமை கட்சி தலைவர்.
