நாகப்பட்டினத்தில் சுமார் 100 கிலோ அளவிலான உயர்ரக போதைப்பொருள் பதுக்கல் – தவெக நிர்வாகி கைது! கட்சிக்குள்ளேயே போதைப்பொருள் கடத்துவோரை வைத்துக்கொண்டு, பொதுவெளியில் போதைக்கு எதிராக மாரத்தான் ஓடி நடிப்பதில் என்ன பயன்?
பல கோடி ரூபாய் மதிப்பிலான போதைப்பொருளைப் பதுக்கி வைத்திருந்ததாக, நாகப்பட்டினம் மாவட்ட தவெக செயற்குழு உறுப்பினர் பூபாலன் மற்றும் அவரது நண்பரை மத்திய வருவாய் புலனாய்வுப் பிரிவு போலீசார் கைது செய்திருப்பதாக ஊடகங்களில் செய்திகள் வெளியாகியுள்ளன.
போதைப்பொருள் கடத்தல் மற்றும் விற்பனையைத் தடுக்கத் தடுப்புப் படைகளை அமைத்து கண்காணிப்பதாகக் கூறிய முதலமைச்சர் திரு. ஜோசப் விஜய் அவர்கள், முதலில் கண்காணிக்க வேண்டியது தனது சொந்தக் கட்சியைச் சேர்ந்த நிர்வாகிகளையே என்பதைத் தற்போது நடைபெற்றுள்ள இச்சம்பவம் உறுதிப்படுத்தும் வகையில் அமைந்துள்ளது.
பல கோடி ரூபாய் மதிப்பிலான போதைப்பொருள் கடத்தலில் ஈடுபடுவோரைத் தனது கட்சியிலேயே வைத்துக்கொண்டு, அவர்களுக்குப் பொறுப்புகளையும் வழங்கிவிட்டு, “போதையில்லாத தமிழகம்” என்ற பெயரில் மாரத்தான் ஓடுவதன் மூலம் போதைப்பொருளை ஒழித்துவிடலாம் என்று கூறுவது மக்களை முட்டாளாக்கும் செயலாகும்.
எனவே, ஊருக்கு உபதேசம் செய்வதற்கு முன்பாக, தனது கட்சியில் உள்ளவர்களை கண்காணித்து அவர்கள் மீது சட்ட ரீதியான நடவடிக்கை எடுப்பதோடு, தமிழகம் முழுவதும் பரவியுள்ள போதைப்பொருட்களின் தாராளப் புழக்கத்தைத் தடுத்து நிறுத்துவதற்குத் தேவையான நடவடிக்கைகளை உடனடியாக மேற்கொள்ள வேண்டும் எனத் தவெக தலைவரும் முதலமைச்சருமான திரு. ஜோசப் விஜய் அவர்களை வலியுறுத்துகிறேன்.
—
திரு. டிடிவி. தினகரன்,
தலைவர்,
அம்மா மக்கள் முன்னேற்றம் கழகம்.
