சிதம்பரம் தெய்வத்தமிழ்ப் பேரவை சார்பில் இன்று 02-01-2021 ஞாயிறுக்கிழமை காலை 9 மணிக்கு சிதம்பரத்தின் புகழ்ப்பெற்ற திருக்கோயிலான அருள்மிகு அனந்தீசுவரர் திருக்கோயிலில் தெய்வத்தமிழ் பேரவை செயற்குழு உறுப்பினர் வே.சுப்ரமணியசிவா தலைமையில் தமிழில் அர்ச்சனை சிறப்பாக நடைப்பெற்றது.
கருவறையில் தமிழ் மந்திரங்களை ஓதி அர்ச்சனை செய்யப்பட்டது.
முன்னதாக திருக்கோயில் வாயிலிருந்து சிவ வாத்தியத்தியமான திருசின்னம், சங்கு முழங்க, அர்ச்சனை தட்டுகளை ஏந்தி தேவாரம் திருப்பாக்களை ஒதுவார்கள் பாடிக் கொண்டே கோயிலை வலம் வந்தனர்.
இதில் ஒதுவார்கள் தமிழ் திருமந்திரங்களை ஒத வழிபாட்டில் பங்கேற்ற அனைவரும் சொல்ல அரை மணிக்கு நேரத்திற்கும் மேலாக தமிழில் அர்ச்சனை நடைப்பெற்றது.
இதில் தெய்வத் தமிழ்ப் பேரவை ஒதுவார்கள் சந்திரசேகர், கோதண்டபாணி, வடலூர் முத்துக்கிருஷ்ணன், உதயகுமார், தமிழ்த்தேசியப் பேரியக்க பொதுக்குழு உறுப்பினர் ஆ.குபேரன், தமிழ்த்தேசிய பேரியக்க நகரச் செயலாளர் இரா.எல்லாளன், வேந்தன் சுரேஷ், திட்டு காட்டூர் நடராஜன், மேலமூங்கிலடி சம்பந்தம், முருகேசன், தெற்கு திட்டை ரவிசந்திரன், சுந்தரமூர்த்தி, சக்திவேல், மகளிர் ஆய தோழர் தில்லைக்கரசி, மேகலாதேவி மற்றும் பல அன்பர்கள், குழந்தைகள் என குடும்பமாய் பங்கேற்றனர்.
தமிழில் அர்ச்சனை வழிபாடு மக்களிடம் மிகுந்த வரவேற்பை பெற்றது.
—
செய்தி உதவி:
திரு. சுப்பிரமணிய சிவா வேலுசாமி,
சிதம்பரம்.
