டோக்கியோ ஒலிம்பிக்கில் வெண்கலப் பதக்கம் வெல்வதற்கான பெண்கள் ஒற்றையர் பிரிவு போட்டியில் இன்று ஹீ பிங்ஜியாவோ (இடது கை ஆட்டக்காரர்) எனும் சீன வீராங்கனையுடன் மோதினார் இந்தியாவின் சிந்து(வலது கை ஆட்டக்காரர்) . அதிரடியாக ஆடிய சிந்து முதல் செட்டை 21-13 எனவும் இரண்டாவது செட்டை 21-15 எனவும் கைப்பற்றி, நேர்செட்களில் சீன வீராங்கனையை வீழ்த்தி வெண்கலப் பதக்கம் வென்றார்.
இதன் மூலம் இன்றைய நிலவரப்படி இந்தியா பதக்கப்பட்டியலில் டோக்கியோ ஒலிம்பிக்கில் ஒரு வெள்ளி(பளு தூக்குதல்) மற்றும் ஒரு வெண்கலப் பதக்கத்துடன் (இறகுப்பந்து) 59வது இடத்தில் உள்ளது.
சிந்து அவர்கள் 2016 ரியோ நகரில் நடைபெற்ற ஒலிம்பிக் போட்டியில் வெள்ளி பதக்கம் வென்றவர் என்பது குறிப்பிடத்தக்கது. 2024 பாரீஸ் நகரில் நடைபெற உள்ள ஒலிம்பிக் போட்டியில் தங்கம் வெல்ல வேண்டும் என்பதே மக்களின் எதிர்பார்ப்பாக உள்ளது. வாழ்த்துக்கள் சிந்து.
செய்தி சேகரிப்பு:
செந்தில்குமரன்,
மன்னார்குடி
