Home>>உலகம்>>ராயல் கிங்ஸ் குழுமம் – சுகாதார சேவை ஊழியர் சங்கம் இடையே முக்கிய புரிந்துணர்வு ஒப்பந்தம்!
உலகம்சிங்கப்பூர்செய்திகள்தமிழர்கள்வரலாறு

ராயல் கிங்ஸ் குழுமம் – சுகாதார சேவை ஊழியர் சங்கம் இடையே முக்கிய புரிந்துணர்வு ஒப்பந்தம்!

ராயல் கிங்ஸ் குழுமம் – சுகாதார சேவை ஊழியர் சங்கம் இடையே முக்கிய புரிந்துணர்வு ஒப்பந்தம்!

ஊழியர் நலன், திறன் மேம்பாடு மற்றும் இளைய தலைமுறையின் கல்வி வளர்ச்சிக்கு புதிய முன்னெடுப்பு!

சிங்கப்பூர் (19/11/2026): சிங்கப்பூரைத் தலைமையிடமாகக் கொண்டு பல்வேறு துறைகளில் செயல்பட்டு வரும் ராயல் கிங்ஸ் குழுமம், சிங்கப்பூர் சுகாதார சேவை ஊழியர் சங்கத்துடன் கடந்த 6 நவம்பர் 2026 அன்று முக்கிய புரிந்துணர்வு ஒப்பந்தத்தில் கையெழுத்திட்டுள்ளது.

இந்த ஒப்பந்தத்தில் ராயல் கிங்ஸ் குழுமத்தின் நிறுவனர் மற்றும் தலைவர் ஹாஜி S. S. சிராஜுதீன் அவர்களும், சுகாதார சேவை ஊழியர் சங்கத்தின் தலைவர் திருமதி K. தனலெட்சுமி அவர்களும் கையெழுத்திட்டனர்.

இந்தக் கூட்டாண்மை ஊழியர்களின் நலன், உரிமைகள் மற்றும் தொழில்முறை வளர்ச்சியை மேம்படுத்தும் முக்கிய முன்னெடுப்பாக அமைந்துள்ளது. இதன்படி, ஊழியர்களின் பிரதிநிதித்துவ அமைப்பாக சுகாதார சேவை ஊழியர் சங்கம் அங்கீகரிக்கப்படுவதுடன், தொடர்ச்சியான பயிற்சி மற்றும் திறன் மேம்பாட்டிற்காக நிறுவனப் பயிற்சிக் குழு அமைக்கப்பட உள்ளது. மேலும், அனைத்து ஊழியர்களின் சங்க உறுப்பினர் கட்டணத்தையும் ராயல் கிங்ஸ் நிறுவனமே முழுமையாக ஏற்க முன்வந்துள்ளது.

இதனுடன், எதிர்காலத்தில் தகுதியும் திறமையும் கொண்ட மாணவர்களுக்கு கல்வி உதவித்தொகைத் திட்டங்களை அறிமுகப்படுத்தவும் ராயல் கிங்ஸ் குழுமம் விருப்பம் தெரிவித்துள்ளது. இதன் மூலம் இளைய தலைமுறையினரின் கல்வி வளர்ச்சிக்கும் புதிய வாய்ப்புகளை உருவாக்குவதற்கும் பங்களிக்கத் திட்டமிட்டுள்ளது.

இந்தச் சிறப்பு நிகழ்வில் சிங்கப்பூரின் பல்வேறு வணிக, சமூக, கல்வி மற்றும் பொதுநல அமைப்புகளின் தலைவர்கள் மற்றும் பிரதிநிதிகள் கலந்து கொண்டனர். அவர்களில் சிங்கப்பூர் மலாய் வர்த்தக மற்றும் தொழில் சபை (SMCCI), சிங்கப்பூர் ஆசிரியர் சங்கம், (STU) சிங்கப்பூர் தமிழாசிரியர் சங்கம் (STTU), தமிழர் பிரதிநிதித்துவ மன்றம் (TRC), சிங்கப்பூர் இந்திய முஸ்லிம் கூட்டமைப்பு (FSIM), லிட்டில் இந்தியா வர்த்தகர்கள் மற்றும் மரபுடைமைச் சங்கம் (LISHA), தமிழ் முஸ்லிம் ஜமாஅத் மற்றும் பென்கூலன் பள்ளிவாசல் இந்திய முஸ்லிம் சமூக வழிநடத்தல் குழு (IMCSC), ஸ்ரீ நாராயண மிஷன் (சிங்கப்பூர்), ஜாமியா சிங்கப்பூர் (JS), நற்பணி பேரவை (NP), டெக்கா சந்தை வணிகர் சங்கம் (TMMA), சிங்கப்பூர் ரத்தின வணிகர்கள் சங்கம் (GTAS), ஐக்கிய பெட்ரோலியத் தொழில் பணியாளர்கள் சங்கம் (UWPI), சிங்கப்பூர் தெற்காசிய வர்த்தக மற்றும் தொழில் சபை (SSACCI) இந்திய சங்கம் (IA), இந்திய வர்த்தக மற்றும் தொழில் சபை (SMCCI), சிங்கப்பூர் கடையநல்லூர் முஸ்லிம் லீக் (SKML) உள்ளிட்ட அமைப்புகளின் பிரதிநிதிகள் பங்கேற்றனர்.

நிகழ்ச்சியில் ராயல் கிங்ஸ் குழுமத்தின் இயக்குநர் ஜாய் கலந்து கொண்டார். குழுமத்தின் தலைமைத் தகவல் மற்றும் தொழில்நுட்ப அதிகாரி ரியாஸுதீன் அவர்கள், குழுமத்தின் பல்வேறு வணிகப் பிரிவுகள் மற்றும் எதிர்கால வளர்ச்சித் திட்டங்கள் குறித்து விளக்கமளித்தார். மூத்த மக்கள் தொடர்பு மேலாளர் கேரி ஹாரிஸ் அவர்கள் இக்கூட்டாண்மையின் முக்கியத்துவம் குறித்துப் பேசினார்.

நிகழ்ச்சியில் பங்கேற்ற அனைத்து அமைப்புகளின் தலைவர்கள் மற்றும் பிரதிநிதிகளுக்கும், இந்தக் கூட்டாண்மைக்கு உறுதுணையாக இருந்த சுகாதார சேவை ஊழியர் சங்கத்திற்கும் ஹாஜி S. S. சிராஜுதீன் அவர்கள் தனது மனமார்ந்த நன்றியைத் தெரிவித்துக் கொண்டார்.

இதுகுறித்து அவர் கூறுகையில், “ஒரு நிறுவனத்தின் உண்மையான வளர்ச்சி என்பது அதன் வணிக வெற்றியால் மட்டுமே அளவிடப்படுவதில்லை. ஊழியர்களின் நலனைப் பாதுகாப்பது, அவர்களின் திறன்களை மேம்படுத்துவது, இளைய தலைமுறையினருக்குக் கல்வி வாய்ப்புகளை உருவாக்குவது மற்றும் சமூக வளர்ச்சிக்குப் பங்களிப்பது ஆகியவையே எங்களது தலைமைத்துவக் கொள்கையின் அடிப்படையாகும். மனிதர்களை உயர்த்தி, வாய்ப்புகளை உருவாக்கி, சமூகத்தை வலுப்படுத்தி, எதிர்காலத் தலைமுறையினருக்கு நிலையான நன்மைகளை விட்டுச் செல்வதே உண்மையான தலைமைத்துவம் என நான் உறுதியாக நம்புகிறேன் என்றார்”.

ராயல் கிங்ஸ் குழுமத்தின் இந்த முன்னெடுப்பு, வணிக வளர்ச்சியுடன் ஊழியர் நலன், கல்வி மற்றும் சமூகப் பொறுப்புணர்வையும் ஒருங்கிணைக்கும் முக்கிய முயற்சியாக அமைந்துள்ளது.

—
செய்தி உதவி:
கேரி ஹாரிஸ்,
மூத்த மக்கள் தொடர்பு மேலாளர்,
ராயல் கிங்ஸ் குழுமம்,
சிங்கப்பூர்.

Leave a Reply