தற்போது நடைபெற்று வரும் விவசாயிகளின் போராட்டங்கள் குறித்து கனேடிய பிரதமர் ஜஸ்டின் ட்ரூடோ கருத்து தெரிவித்ததையடுத்து ஜஸ்டின் ட்ரூடோ தனது உள் விவகாரங்களில் தலையிட்டதாக மோடியின் இந்திய அரசாங்கம் குற்றம் சாட்டியுள்ளது
இந்தியாவில் தொடர்ச்சியான விவசாயிகளின் போராட்டங்கள் குறித்து கனேடிய பிரதமர் ஜஸ்டின் ட்ரூடோவின் உண்மையான கருத்துக்கள் மோடியின் இந்து தேசியவாத அரசாங்கம் மறுதலித்ததுடன் மட்டுமல்லாமல் அவரது கருத்துக்களை “தேவையற்றது” என்றும் கூறியுள்ளது.
“இந்தியாவில் விவசாயிகளின் போராட்டம் தொடர்பாக கனேடிய தலைவர்கள் சிலரின் தவறான தகவல்களைக் கண்டோம். இதுபோன்ற கருத்துக்கள் , குறிப்பாக ஒரு ஜனநாயக நாட்டின் உள் விவகாரங்கள் குறித்து கருத்துக்கள் தேவையற்றவை”என்று இந்தியாவின் வெளிவிவகார அமைச்சின் (எம்இஏ) செய்தித் தொடர்பாளர் அனுராக் ஸ்ரீவாஸ்தவா செவ்வாய்க்கிழமை தெரிவித்துள்ளார். “இராஜதந்திர உரையாடல்கள் அரசியல் நோக்கங்களுக்காக தவறாக சித்தரிக்கப்படகூடாது என்பதும் முக்கியமானது” என்றும் அவர் மேலும் தெரிவித்துள்ளார்.
சீக்கிய மதத்தின் நிறுவனர் குரு நானக்கின் 551 வது பிறந்த நாளைக் குறிக்கும் ஒரு இணையவழி நிகழ்வில் பேசிய கனேடிய பிரதமர் , இந்தியாவில் இருந்து வெளிவரும் செய்திகள் “சம்பந்தப்பட்டவை” என்றும், தனது நாடு “அமைதியான போராட்டத்தின் உரிமைகளைப் பாதுகாக்க எப்போதும் துணை நிற்கும் ” என்றும் கூறினார்.
ஆளும் பாரதீய ஜனதா கட்சி (பிஜேபி) இயற்றிய சர்ச்சைக்குரிய விவசாய சட்டங்களை ரத்து செய்யக் கோரி ஆயிரக்கணக்கான விவசாயிகள் இந்திய தலைநகரான புதுடெல்லிக்கு வெளியே கிட்டத்தட்ட ஒரு வாரமாக முகாமிட்டுள்ளனர்.
இங்கிலாந்து , கனடா, ஆஸ்திரேலியா மற்றும் அமெரிக்காவைச் சேர்ந்த பல அரசியல்வாதிகள் கடந்த சில நாட்களாக இந்திய விவசாயிகளுடன் தங்கள் ஒற்றுமையை வெளிப்படுத்தி போராட்டத்திற்கு ஆதரவாக கருத்துக்களை தெரிவித்துள்ளனர். மேலும் பல ஆண்டுகளாக மோடி அரசு விவசாயிகளை கையாள்வதை விமர்சித்துள்ளனர்.
கனேடிய பிரதமர் ஜஸ்டின் ட்ரூடோ தனது அமைச்சரவையில் நான்கு இந்திய வம்சா வழி அமைச்சர்களை கொண்டுள்ளார் , அவர்களில் மூன்று பேர் சீக்கிய சிறுபான்மை சமூகத்தைச் சேர்ந்தவர்கள்.ஆனால் மோடி அரசாங்கத்தை நெருக்கடியில் தள்ளியுள்ள இந்த விவகாரம் குறித்து கருத்து தெரிவித்த நாடுகளின் தலைவர்களில் முதல் தலைவர் கனேடிய பிரதமர் ஜஸ்டின் ட்ரூடோ ஆவார் என்பது குறிப்பிடத்தக்கது.செவ்வாயன்று, ட்ரூடோவின் கருத்துக்களை அடுத்து இந்தியர்கள் சமூக ஊடகங்களில் தங்கள் கருத்துக்களைப் பகிர்ந்து கொண்டதால் #கனடா ட்விட்டரில் பிரபலமாக இருந்தது.
“நம் நாட்டில் சட்டம் ஒழுங்குக்கு அவர் பொறுப்பல்ல. இது அன்றைய அரசாங்கம் கவனித்துக் கொள்ள வேண்டிய ஒன்று, அரசாங்கம் எல்லாவற்றையும் கவனித்து விவசாயிகளை ஈடுபடுத்துகிறது ”என்று பாஜக செய்தித் தொடர்பாளர் சையத் ஜாபர் இஸ்லாம் செய்தியாளர்களிடம் கூறியுள்ளார்.
மேற்கு மாநிலமான மகாராஷ்டிராவை ஆளும் சிவசேனா கட்சியின் செய்தித் தொடர்பாளர், “இந்தியாவின் உள் நட்டு பிரச்சினை மற்றொரு நாட்டின் அரசியலுக்கு தீவனம் அல்ல” என்று தெரிவித்துள்ளார்.ட்ரூடோவின் கருத்துக்களில் பிரியங்கா சதுர்வேதி கூறுகையில், “நாங்கள் எப்போதும் மற்ற நாடுகளுக்கு நீட்டிக்கும் மரியாதைகளை மதிக்கவும்” என்று தெரிவித்துள்ளார்.
புலம்பெயர்பவர்களின் தாயகமான கனடாவில் ஏராளமான இந்தியர்கள் குடியேறியுள்ளனர், இருப்பினும் இந்தியாவின் தற்போதைய விவசாய போராட்டகாரர்களின் பஞ்சாப் மாநிலத்தில் இருந்து பெரும்பாலும் குடியேறியுள்ளனர். ட்ரூடோ தனது குடியேற்ற சார்பு கொள்கைக்காக பாராட்டப்பட்டவர் . அவர் தனது அமைச்சரவையில் நான்கு இந்திய வம்சாவளியைச் சேர்ந்த அமைச்சர்களைச் கொண்டுள்ளார் , அவர்களில் மூன்று பேர் சீக்கிய சிறுபான்மை சமூகத்தைச் சேர்ந்தவர்கள்.
தற்போதைய பாதுகாப்பு மந்திரி ஹர்ஜித் சஜ்ஜன் உள்ளிட்ட கனேடிய தலைவர்கள் காலிஸ்தானிய குழுக்களுடன் தொடர்பு வைத்திருப்பதாக இந்திய அரசியல்வாதிகள் குற்றம் சாட்டியுள்ளதும், 1980 களில் பஞ்சாப் மாநிலத்தில் ஒரு தனி சீக்கிய மாநிலத்திற்காக ஆயுதமேந்திய கிளர்ச்சியின் பின்னணியில் இருந்ததாக நம்பப்படும் குற்றச்சாட்டுகளை சஜ்ஜன் மறுத்ததும் குறிப்பிடத்தக்கது.
ட்ரூடோவின் 2018 ஆண்டு இந்தியா பயணத்தின் மீது காலிஸ்தானிய பிரச்சினை ஒரு நிழலைக் காட்டியது, இதன் போது கனேடிய பிரதம மந்திரி மோடி அரசாங்கத்தால் பாராமுகம் செய்யப்பட்டார், இது கடுமையான குடியேற்ற எதிர்ப்பு மற்றும் முஸ்லீம்-விரோத கொள்கைகளுக்கு இடங்கொடுத்தது .
“ட்ரூடோ ஒரு பெரிய குடியுரிமை இல்லாத இந்திய சீக்கிய அமைச்சர்களை கொண்ட தொகுதியை கொண்டுள்ளார். அவர்கள் மூலமாகத்தான் இந்திய விவசாய போராட்டம் குரித்து பேசுகிறார் என்று நான் நினைக்கிறேன், விவசாயிகள் போராட்டத்தை மனித உரிமை பிரச்சினையாக அவர் பார்க்கிறார். மனித உரிமைகள் பிரச்சினைகள் எப்போதும் பலதரப்பட்ட சர்வதேச பரிமாணத்தைக் கொண்டிருக்கின்றன ”என்று எழுத்தாளரும் சமூக விஞ்ஞானியுமான சிவ் விஸ்வநாதன் கூறினார்.
தனது வாக்களிக்கும் தொகுதியான இந்தியத் தொகுதியைப் பூர்த்தி செய்ய ட்ரூடோ எப்போதும் விரும்புவார். ஒவ்வொரு முறையும் அவர் அதை உயர்த்தும்போது, அவருக்கு கூடுதல் புள்ளிகள் கிடைக்கும். இது அவருக்கு ஒரு மனித உரிமை ஆர்வலரின் உருவத்தை அளிக்கிறது. இது அவரது இந்தியத் தொகுதி மீதான அவரது அக்கறைகளைக் காட்டுகிறது, மேலும் இந்த நிலையில் இந்தியாவில் என்ன நடக்கிறது என்பது அவருக்குத் தெரியும் என்று அவரது தொகுதிகளுக்கு உடனடி விழிப்புணர்வையும் காட்டுகிறது”என்று பத்திரிகையாளரும் அரசியல் வர்ணனையாளருமான பரஞ்சோய் குஹா தகுர்தா கனேடிய பிரதமரை ஆதரித்து கருத்து தெரிவித்துள்ளார்.
“அவர் கனடா அரசாங்கத்தின் பிரதமராக இருப்பதால், அவர் சொல்வது தவறானது என்று அர்த்தமல்ல, மேலும் பஞ்சாபிலிருந்து ஏராளமான புலம்பெயர்ந்தோர் கனடாவில் குடியேறியுள்ளனர் என்பதும் தற்செயலானது. ஒரு ஜனநாயகத்தில், ஒரு பொது இடத்தில் எதிர்ப்பு தெரிவிக்கும் தனிநபர்களின் உரிமையை நீங்கள் மதிக்க வேண்டும் என்று ட்ரூடோ சொல்கிறார் ”என்று மேலும் தகுர்தா தெரிவித்துள்ளார்.
மோடி அரசாங்கம் “விவசாயிகளின் விருப்பங்களுக்கு மதிப்பளித்திருந்தால், இந்த மூன்று விவசாய சட்டங்களை பாராளுமன்றத்தில் அவசரத்தில் இயற்றுவதில் நிதானம் கடைபிடித்திருந்தால், சட்டம் சம்பந்தப்பட்ட விவசாய தொடர்பாளர்களுடன் போதிய ஆலோசனை செய்திருந்தால் அவர்கள் தற்போதைய நெருக்கடிக்கு உள்ளாகி இருக்க மாட்டார்கள்” என்றும் தகுர்தா கூறியுள்ளார்.
-இளவரசி இளங்கோவன்
